Besta leiðin til að frysta bláber
Uppruni
Á hverju ári tínum við bláber enda alveg frábært að eiga þau í frysti yfir veturinn. Hér áður fyrr frysti ég berin með sykri en í dag sleppi ég honum enda eru berin margfalt betri þannig. Eftir að ég fór að lausfrysta berin og sleppa sykrinum setti ég þunn lög af berjum í box og bökunarpappír á milli. Svo var það konan sem var með mér í göngu í Fljótunum. Hún sagði mér frá mjólkurfernuaðferðinni – sú aðferð er alveg frábær.
Hráefni
- Bláber
- Hreinar mjólkurfernur
Verklýsing
- Bláberin hreinsuð
- Mjólkurfernur skolaðar og látnar þorna
- Berin sett í fernurnar, lokað fyrir og síðan í frysti
- Þegar nota á frystu berin er gott að þrýsta aðeins á hliðar fernunnar og berin eru þá laus og fín
Fryst bláber má nota t.d.:
- Í drykki eins og Melónu- og bláberjahristing
- Með morgunmatnum eins og t.d.út á hafragrautinn eða Einfaldur og góður chia grautur
- Í kökur eins og t.d. Bláberjasörur , Sítrónuostakaka með bláberjahlaupi og Bláberjapæ með hnetum og marsipani
- Út á skyrið