Hollt og bragðgott snakk
Uppruni
Fékk þessa uppskrift á kynningu um krydd hjá Krydd & Tehúsinu. Sérstaklega gott snakk.
Hráefni
- 360 g sambland af góðum hnetum og möndlum (t.d. 120 g cashew hnetur, 120 g pecan hnetur og 120 g möndlur (með hýði))
- 100 g graskersfræ
- 3 msk sólblómafræ
- 3 msk nigella fræ – fæst í Krydd og Tehúsinu
- 3 msk olía
- 2 msk hunang
- 1 tsk salt
- 2 tsk þurrkað eða ferskt rósmarín
- ½ -1 tsk grófur svartur pipar
- ½ -1 tsk ancho chili – fæst í Krydd og Tehúsinu
Verklýsing
- Ofninn hitaður í 170°C
- Hnetum, fræjum og öllu öðru hráefni nema ancho chili og pipar dreift í bökunarskúffu með bökunarpappír
- Ristað/bakað í ofni í u.þ.b. 15 – 17 mínútur eða þar til hneturnar eru orðnar aðeins brúnleitar. Gott að hræra í þessu annað slagið til að fá jafnan lit
- Tekið úr ofninum og pipar og chili stráð yfir. Blandan látin kólna í ofnskúffunni en svo má geyma hana í lokuðu íláti inni í kæli
