Fléttubrauð
Uppruni
Ég man ekki hvaðan ég fékk þessa uppskrift. Brauðið er frekar þétt í sér – alveg ágæt tilbreyting frá germeiri brauðum.
Hráefni
- 15 g pressuger (6 g þurrger)
- 3 dl mjólk
- 500 g hveiti
- 1½ tsk salt
- 2 msk sykur
- 60 g mjúkt smjör
- 1 egg
Verklýsing
- Smjör og mjólk hitað í potti 37°C (Gerbakstur – góð ráð)
- Þurrefnum blandað saman í skál og mjólk hellt út í
- Hrært með sleif og deigið sett á hveitistráð borð – hnoðað
- Deigið sett aftur í skálina og látið hefast í rúma klukkustund á volgum stað
- Deiginu skipt upp í þrjár lengjur – fléttað
- Egg pískað og brauðið penslað
- Ofninn hitaður í 220°C (yfir- og undirhiti) – brauðið látið standa á meðan ofninn er að hitna
- Bakað neðarlega í ofninum í 30 – 40 mínútur. Gott að fylgjast með að brauðið verði ekki of dökkt – þá er gott að setja álpappir yfir það. Brauðið er tilbúið ef það heyrist holur hljómur þegar bankað er í það