Hot honey chili sósa
Uppruni
Hér kemur ein sósa – alveg sérstaklega heit og sæt. Ég vældi út uppskriftina hjá Vigfúsi tengdasyni mínum eftir að hafa fengið að smakka. Hún er góð negla á pizzuna og skilst mér að pizzur, sem keyptar eru tilbúnar, kosti sérstaklega mikið ef á þeim er chili hot sósa – sel það ekki dýrara en ég keypti. Hún féll svo vel í kramið hjá stráknum mínum að hann setur hana á nánast allt sem hann borðar. Ég skal alveg viðurkenna að hún passar líka vel með grillaða silungnum en VARÚÐ… sósan er sterk.
Hráefni
- 2½ dl hunang
- 2 msk eplacíder
- 3 fersk chili – skorin í ræmur (því meira af kornum þeim mun sterkari verður sósan)
- 1 msk þurrkaðar chiliflögur
- 1 msk Sirachasósa
Verklýsing
- Allt sett í pott og látið malla í 30 – 40 mínútur. Ekki láta sjóða (þá verður hún of þykk)
- Sósunnin hellt í skál/krukku í gegnum sigti þannig að chilið verði eftir í sigtinu. Geymist mjög vel í lokuðu íláti
Á vel með: Grilluðum silung, Kúri súrdeigspizzur eða heimagerða pizzu.
