Heimagert rauðkál
Uppruni
Þessi uppskrift kemur frá mömmu. Ég hef prófað ýmsar tegundir af rauðkálsuppskriftum en þessi finnst mér alltaf best. Ilmurinn er alveg ómissandi á aðfangadag 🙂
Hráefni
- 600 – 800 g rauðkálshöfuð
- 2 msk smjör
- 2 græn epli – flysjuð og kjarnhreinsuð – skorin í bita
- 1 laukur – saxaður
- 1 tsk salt
- 1-2 msk síróp eða sykur (það er smekksatriði hversu sætt rauðkálið á að vera)
- ½ – 1 dl edik (t.d. eplaedik) eða rauðrófusafi
- 1 – 2 dl vatn
Verklýsing
- Rauðkálið skorið í tvennt, kjarninn skorinn í burtu og kálið sneitt í þunnar ræmur og steikt í smjöri
- Epli og lauk bætt við og hrært
- Salt, sykur, edik og vatn sett út í og látið malla í 45-60 mínútur undir loki þar til það er orðið mjúkt. Hrært í annað slagið
- Lokið tekið af og vatnið látið gufa upp
Á vel við
Hamborgarhrygginn, svínabóginn og hangikjötið.
Geymsla
Geymist vel í kæli.