Rauðbeðukaka með valhnetum og rjómaostakremi
Uppruni
Fann þessa uppskrift í sænsku kökublaði og langaði að prófa. Hún minnir aðeins á gulrótarköku og er skemmtileg tilbreyting. Flott kaka sem er bæði saðsöm og góð. Það er gaman að skreyta hana með rauðbeðudufti sem má búa til áður og eiga í lokaðri krukku – upplagt að klippa eitthvað skemmtilegt út, leggja það yfir kökuna og strá síðan duftinu yfir með sigti.
Krem Skraut – má sleppa Hráefni
Verklýsing
- Rauðbeðurnar maukaðar í matvinnsluvél (u.þ.b. 2 dl). Einnig er hægt að kaupa hráar og sjóðar þær eða baka í ofni – það má gera ráð fyrir að bökunartíminn sé 50 – 60 mínútur á 180°C (fer svolítið eftir stærð þeirra en ágætt að stinga prjóni í gegn til að kanna hvort þær séu tilbúnar)
- Ofninn stilltur á 175°C (yfir og undirhiti). Bökunarpappír settur í botninn á lausbotna 24 cm kökuformi
- Þurrefni sett í skál ásamt olíu, ananas og rauðbeðumaukinu – hrært saman. Eitt egg sett í einu og hrært þar til blandan verður slétt. Valhnetum og kókosmjöli bætt við í lokin – blandað saman með sleikju
- Blandan sett í form og bakað í miðjum ofni í 45 – 50 mínútur eða þar til kakan er bökuð í gegn. Ágætt að nota prjón og stinga í – ef ekkert deig loðir við hann er kakan tilbúin
- Kakan látin kólna. Smelluformið tekið og kakan sett á kökudisk
Krem
- Smjör og flórsykur þeytt saman þar til allir smjörbitar eru horfnir og blandan er slétt og fín
- Rjómaosti og vanillusykri blandað saman við – þeytt
- Kakan smurð með kreminu
Geymsla: Kakan geymist ágætlega við stofuhita en þá er betra að setja kökulok yfir svo að hún harðni ekki
Kaka í vinnslu
