Frábær appelsínusósa - einföld og góð

Appelsínusósa - góð með kjöti

Servings: 3 - 4
Time: 20 mínútur
Difficulty: meðal
Prenta

Uppruni

Þessi sósa kemur úr smiðju Vigfúsar og er hún bæði einföld og sérstaklega góð. Hún á mjög vel við með andabringum og er algjörlega óhætt að mæla með henni með ýmsu kjöti. Hún er góð daginn eftir sama hvort hún er borin fram heit eða köld.

Hráefni

Safi úr 3 appelsínum (2½ dl) – kjötið sigtað frá
1 msk sojasósa
1 tsk kjötkraftur (t.d. andakraftur eða nautakraftur)
2½ dl rjómi
Salt og pipar
Vökvi, sem kemur af kjöti, eða ögn af andafitu ef hún er í boði – má sleppa

Verklýsing

Appelsínusafinn er sigtaður ofan í pott og suðan látin koma upp. Mikilvægt að láta sýruna sjóða vel úr en vegna uppgufunar minnkar magnið og safinn þykknar aðeins. Það má gera ráð fyrir að vökvinn rýrni um helming
Sojasósu, kjötkrafti og rjóma blandað saman við og suðan látin koma upp. Sósan er frekar þunn en þykknar ef hún fær að malla aðeins. Þeir sem vilja hafa sósur mjög þykkar geta sett sósujafnara út í (1- 2 msk) og látið suðuna koma upp

Geymsla: Geymist ágætlega í lokuðu íláti í kæli.