Jólatré eða jólahringur með saffran
Uppruni
Það er svo jólalegt að baka lúsíubollur á aðventunni. Þessi útgáfa er með góðri fyllingu og þær má gera í mismunandi útgáfum eins og t.d. sem krans, jólatré eða snúða… bara það sem hver og einn er í stuði fyrir. Ef biti er eftir er alveg upplagt að stinga honum í frystinn til að eiga með kaffisopanum.
Hráefni
Deig
- 2 tsk þurrger
- 2½ dl vatn (volgt en ekki heitara en 37°C)
- ½ g saffran
- 7½ – 8 dl hveiti
- 1 dl sykur
- ½ tsk salt
- 1 egg
- 80 g smjör – við stofuhita
Fylling
- 75 g smjör
- 1 dl púðursykur
- ¼ tsk salt
- 2 msk síróp
- 2 msk maizenamjöl (eða rísmjöl)
- 1 appelsína (eða 2 mandarínur) – börkur
Sykurlag
- ¼ dl sykur
- ¼ dl vatn
Glassúr
- 1 – 1½ dl flórsykur
- ½ – 1 msk vatn
Verklýsing
- Deig: Vatn og saffran blandað saman í hrærivélarskál. Saffranið látið leysast upp. Afgangi af hráefnum blandað saman. Deigið hnoðað í 10 mínútur – deigið verður meira teygjanlegt þegar það er hnoðað svona lengi. Skálin sett í kæli í 30 – 60 mínútur
- Fylling: Allt hráefni hrært saman þar til það hefur blandast vel
- Deigið flatt út í 70×15 cm stærð. Fyllingunni smurt yfir og deigið rúllað upp
- Krans: Rúllan skorin/klippt þvert í sundur og rúlluð saman (sjá mynd) og þar næst er hringur myndaður. Kransinn settur á smjörpappír
- Jólatré: Rúllan skorin í 24 jafna bita sem er raðað á smjörpappír svo að úr verði eitthvað sem líkist jólatré. Það má alveg toga í endana og mynda stjörnu á toppnum en eins og með kransinn þá má þetta alveg vera smá frjálslegt
- Snúðar: Þá er rúllunni skipt í 24 jafna bita og þeim raðað á smjörpappír (2 ofnskúffur). Ath þá er bökunartíminn styttri eða u.þ.b. 5 mínútur
- Næsta skref er að leggja klút yfir meistarastykkið og láta það jafna sig í 1 klukkustund eða svo
- Ofninn hitaður í 200°C (blástur) og afraksturinn bakaður í u.þ.b. 14 – 18 mínútur. Gott að fylgjast með síðustu mínúturnar
- Sykurlag: Sykur og vatn sett í pott og suðan látin koma upp. Penslað með blöndunni á hringinn, jólatréð eða snúðana um leið og það kemur funheitt úr ofninum
- Glassúr: Flórsykur og vatn blandað saman og dreift frjálslega yfir þegar lúsíubaksturinn (kransinn, tréð eða snúðarnir) hefur kólnað
Hráefni í deigið
Hráefni í fyllinguna
Deigið í vinnslu
Fylling í vinnslu
Deigið flatt út og fylling sett á
Rúllað upp
Krans í vinnslu
Sykurlag penslað á eftir baksturinn
Frjálslegt jólatré í vinnslu
Sykurlag pnslað yfir og svo er um að gera að skreyta með glassúr og einhverju jólalegu
