Góður, fljótlegur, frískandi og hollur eftirréttur
Uppruni
Það er nú ekki oft sem eftirréttur er fljótlegur, fallegur, góður og ekki fullur af sykri. Ég hef boðið upp á þennan nokkrum sinnum og fæ yfirleitt samdóma álit um að hann sé mjög góður í maga … sérstaklega eftir þunga máltíð.
Hráefni
- Grísk jógúrt – t.d. lífræn frá Bíó Bú eða Örnu
- Fersk jarðarber og granatepli (ekki nauðsynleg)
- Hunang
- Skraut eins og t.d. rifið suðusúkkulaði, fersk mynta eða/og súkkulaðihjúpuð bláber
Verklýsing
- Jógúrt sett í botn á skál og aðeins af hunangi dreift yfir. Fersk jarðarber (heil eða niðurskorin) sett ofan á eða til hliðar
- Fallegt að skreyta með ferskri myntu og rífa aðeins af suðusúkkulaði yfir. Ef til eru súkkulaðihjúpuð bláber þá gera þau heilmikið fyrir réttinn