Pizzusnúðar – meira fullorðins
Uppruni
Þessi uppskrift kemur frá mömmu.
Hráefni
Deig
- 5 dl mjólk
- 1 pk ger (50g pressuger)
- ½ dl ólífuolía
- 2 tsk salt
- 1 egg
- 12 – 14 dl hveiti
Fylling – á báða helminga
- 2 dl tómatpúrra
- ½ dl olífuolía
- 2 msk soyasósa
- 2 tsk óreganó
- 1 hvítlauksrif
- 150 g salami/pepperoni
- 2 dl steinlausar olífur, grænar
- 250 g rifinn ostur
Ofan á
- 1 egg (hrært)
- 100 g rifinn ostur
Verklýsing
Deig
- Mjólk hituð í 37°C – Góð ráð við gerbakstur. Ger, salt og olía sett í skál og blandað saman við mjólkina
- Setjið nokkra dl af hveiti í skálina og hrærið með sleif
- Bætið síðan egginu við (gott að hafa það við stofuhita) og hrærið
- Afgangi af hveiti bætt við og hnoðað þar til deigið verður þannig að hægt sé að koma við það án þess að það klístrist við mann – passa samt að hafa það ekki of þurrt
- Látið hefast í u.þ.b. 35 mínútur með rakan klút yfir skálinni – láta það lyfta sér tvöfalt
Fylling
- Blanda saman tómatpúrru, olíu, soyasósu, oregano og pressuðum hvítlauk
- Pepperóni og ólívur hakkað. Osturinn rifinn (gott að nota ostafganga og/eða rifinn pizzaost)
Samsetning
- Deiginu skipt í tvennt. Hvor hluti flattur út ca. 30×40 cm
- Tómathræran smurð ofan á (helmingur af henni). Pepperóni, ólifum og osti dreift yfir
- Rúllað saman og skorið í bita. Annar endinn klipinn aðeins saman og bitarnir settir á bökunarpappír. Látið hefast undir dúk (viskustykki) í 30 mínútur
- Ofninn hitaður í 250°C
- Penslað með hrærðu eggi og rifnum osti dreift yfir
- Bakað í ca. 8 – 12 mínútur
Geymsla
Það er mjög gott að eiga pizzusnúða í frystinum.
