Dýrindis léttmarengs með karamellubráð
Uppruni
Þessi uppskrift kemur frá mömmu og er einföld þó að kakan þurfi að vera þrjá tíma í ofninum. Falleg með skreyttum ávöxtum og þeyttum rjóma. Með því að baka kökuna svona lengi á lágum hita verður hún frábrugðin venjuegum marengskökum. Skemmtilegur og einfaldur eftirréttur sem gaman er að bera fram.
Forvinna
Þessi kaka má alveg standa yfir nótt eða yfir daginn áður en hún er skreytt og borin fram.
Hráefni
Karamella
- 2 dl sykur
- 2 msk soðið vatn
Marengs og skreyting
- 6 eggjahvítur
- 1½ dl sykur
- 3 dl rjómi
- Ávextir
Verklýsing
Karamella
- Ofninn hitaður í 200°C – formið eða lok af Hönnupotti látið hitna með
- Sykur settur á pönnu og látinn bráðna á miklum hita – passa að ekki brenni
- Soðnu vatni bætt við, þegar sykurinn er orðinn ljósbrúnn, og hrært vel í
- Sett í heitt formið, sem tekur u.þ.b. 1 lítra. Láta karamelluna þekja allan botninn á forminu og aðeins upp á kantana
- Erfitt getur verið að þvo pönnuna – ágætt að setja heitt vatn á hana og sjóða aðeins til að losa það sem eftir er af karamellunni
Margengs
- Hræra eggjahvítur og sykur saman þar til það verður létt og hvítt
- Sett í formið og látið vera í vatnsbaði í ofninum í u.þ.b. 5-10 mínútur eða þangað til það fær fallegan lit
- Þá er ofninn stilltur á 100°C og bakað í 3 tíma
- Kökunni er hvolft á fat og sósan hellist yfir hana úr botninum. Skreytt með þeyttum rjóma og ávöxtum
- Ágætt að leyfa vatni að liggja í forminu til að ná karamellunni sem varð eftir
Geymsla
Kakan er líka góð daginn eftir.
Karamellan á pönnunni og marengsinn í ofninum
