Sítrónupæ með marengs
Uppruni
Þessi uppskrift er úr sænsku blaði og er hún sérstaklega góð.
Forvinna
Tilvalið að baka botninn daginn áður, rífa sítrónubörkinn og hafa sítrónusafann tilbúinn. Eins má baka kökuna daginn áður og geyma í kæli (ekki setja plast yfir).
Hráefni
Deig
- 100 g smjör – mjúkt
- U.þ.b. 2½ dl hveiti
- 1 egg
- ½ dl flórsykur
- 1 tsk lyftiduft
- 1 tsk vanillusykur
Sítrónufylling
- 3 egg
- 3 dl sykur
- 1½ dl hveiti
- 2-3 lífrænar sítrónur – safi og rifinn börkur
Marengs
ATH. marengsinn er ríflegur og það má alveg minnka hann með því að hafa 5 eggjahvítur og hlutfallslega minni sykur
- 6 eggjahvítur
- 3 dl sykur
- Smá sítrónusafi
Verklýsing
Deig
- Hráefni blandað saman og hnoðað – gott að láta það standa aðeins í kæli
- Ofninn hitaður í 180°C
- Deigið flatt út og sett í u.þ.b. 30 cm pæform – gott að hylja botn og kant vel
- Pikka botninn aðeins með gaffli og baka í ofni í 10-15 mínútur eða þar til kominn er fallegur litur
Sítrónufylling
- Egg og sykur þeytt saman þar til það verður létt og ljóst (u.þ.b. 5 mínútur) – mikilvægt að þeyta vel
- Sítrónuberki, safa og sigtuðu hveiti bætt við – blanda varlega saman með sleif
- Fyllingu hellt í formið og bakað í 15-20 mínútur eða þar til hún verður stíf
Marengs
- Ofninn hitaður í 225°C
- Eggjahvítur þeyttar þar til þær verða hálfstífar. Sykri bætt út í smátt og smátt. Þeytt þar til hræran er orðin hvít og stíf
- Sítrónusafa bætt við með sleikju
- Marengsdeiginu dreift yfir pæformið – hægt að nota skeið eða sleikju til að gera toppa (stundum vilja þeir brenna). Bakað í u.þ.b. 5 – 10 mínútur eða þar til marengsinn hefur fengið fallegan lit
- Skreytt með myntu og sítrónusneiðum
Meðlæti
Gott að bera fram með þeyttum rjóma en það er alls ekki nauðsynlegt.
Geymsla
Pæið geymist í mjög vel í kæli í nokkra daga.
