Rjómarönd með karamellusósu

Verklýsing

Rjómarönd

1. Hálf vanillustöng skorin í tvennt og sett í pott ásamt rjómablöndunni. Soðið við vægan hita í 10 mínútur
2. Matarlímið sett í kalt vatn í u.þ.b. 5 mínútur
3. Vanillustöngin tekin úr rjómablöndunni – skafa vel innan úr stönginni
4. Matarlímið kreist frá vatninu (með höndunum) og sett í heita vanillurjómablönduna – hrært saman þar til matarlímið hefur blandast saman við
5. Rjóminn þeyttur og settur til hliðar
6. Eggjarauður og sykur þeyttar saman þar til blandan verður létt og ljós. Til að spara uppvaskið er hægt að þeyta eggjarauður og sykur í sömu skál og rjóminn var þeyttur í
7. Hvítþeyttu eggjarauðunni bætt við vanillurjómablönduna – hitað á vægum hita og hrært þar til blandan þykknar (sniðugt að nota kjarnhitamæli til að fylgjast með hitanum – blandan þykknar í kringum 90 gráðurnar). Má alls ekki sjóða (þá getur rjómaröndin orðið kornótt)
8. Þegar blandan hefur þykknað er potturinn kældur (u.þ.b. líkamshita) í köldu vatnsbaði – gott að hræra í reglulega
9. Eggjahvítur stífþeyttar
10. Þeyttum rjóma bætt við vanillublönduna (gott að nota stóra skál) – blandað varlega saman með sleikju
11. Eggjahvítum að lokum blandað varlega saman við með sleikju
12. Hellt í form (lok eða plastfilma sett yfir) og látið í kæli í nokkra klukkutíma
13. Til að ná rjómaröndinni úr forminu er gott að láta heitt vatn renna (varlega) á það eða setja í heitt vatnsbað örlitla stund

Karamellusósa

12. Sykur bræddur við vægan hita
13. Vatni bætt í og látið malla í u.þ.b. 10 mínútur (ágætt að hafa lokið á hluta af tímanum svo uppgufun verði minni)
14. Látið kólna
15. Þeyttum rjóma blandað saman við
16. Sett í skál og borið fram með rjómaröndinni

Skeyting

Skreytt með þeyttum rjóma og ávöxtum eins og ananas, mangó og jarðarberjum. Granatepli punta líka mikið.