Hollustunasl - múslí
Uppruni
Þessi uppskrift er tilraun til að líkja eftir múslí sem fæst ekki hér á landi en er alveg sérstaklega gott. Herslumuninn vantar en ég er samt nokkuð sátt við útkomuna og bý það til reglulega. Þetta er gott út á Ab-mjólk og ekki síðra með salatinu. Ég nota yfirleitt bara lífrænt hráefni.
Hráefni
- 1½ dl hampfræ
- 1 tsk lucumaduft (má sleppa)
- 1 tsk macaduft (má sleppa)
- 2 msk bóghveiti
- 4 msk gul hörfræ
- Lófi af möndlum
- 2 msk graskerafræ – mulin
- ½ tsk salt
- 4 msk vatn
- 4 msk goijaber
- 4 msk rúsínur
Verklýsing
- Ofninn hitaður í 40°C
- Graskerafræin mulin í morteli
- Öllu hráefni nema rúsínum og goijaberjum blandað vel saman – látið standa svolitla stund
- Dreift úr blöndunni á bökunarpappír ofan í ofnskúffu – ágætt að nota til þess kökukefli, sleif eða hendurnar (gott að hafa bökunarpappír ofan á – klístrast minna)
- Bakað í 4 – 5 tíma. Hrært í og mulið öðru hvoru á meðan blandan þornar í ofninum
- Þegar klukkutími er eftir af þurrtíkanum er gott að bæta rúsínunum við.
- Tekið úr ofninum og goijaberjum dreift yfir – sett í skál
Geymsla
Þetta geymist vel og lengi.
Ágætt að nota gaffal til að dreifa úr og mylja í sundur