Góður plokkfiskur
Uppruni
Þessi uppskrift er heimasmíði mömmu og er hún mjög vinsæl hjá börnunum.
Hráefni
- 800 – 1000 g roðlaus fiskflök (ýsa eða þorskur)
- 3 – 4 gulir laukar
- 50 – 70 g smjör
- 1 dl hveiti
- U.þ.b. 2,5 dl mjólk (eða rjómi)
- Salt
- Svartur pipar
- Nýrifið múskat
- 800 – 1000 g kartöflur
Verklýsing
- Fiskurinn er soðinn í eins litlu vatni og hægt er
- Laukurinn hreinsaður og skorinn í bita – látinn malla við vægan hita á meðan fiskurinn og kartöflurnar eru soðnar
- Þegar laukurinn er orðinn glær, og hefur aðeins tekið lit, er hveitinu hrært saman við
- Þá er vatninu af fiskinum bætt út í og hrært
- Fiskurinn settur út í og hrært vel. Blandað með mjólkinni þar til kássan er orðin hæfilega þykk
- Kryddað að smekk – kartöflum er annaðhvort bætt við í lokin eða bornar fram sér
Meðlæti:
Gott með rúgbrauði og salati.