Einföld, barnvæn og bleik
Uppruni
Þessi kaka er einföld og góð. Bleiki liturinn kemur frá hindberjunum og frískar það upp á kökuna. Þetta er svona tilvalin sunnudagskaka eða jafnvel fimmtudagskaka. Fyrir yngri kynslóðina, sem er að spreyta sig í eldhúsinu, er upplagt að byrja á þessari köku. Um að gera að leyfa krökkum að baka með því skilyrði að þau taki til eftir sig. Kakan er góð nýbökuð en ekki síðri daginn eftir.
Hráefni
- 225 g smjör – við stofuhita
- 225 g sykur
- 4 egg
- 1 tsk vanillu extrakt (eða vanilludropar)
- 1 appelsína – börkur af lífrænni appelsínu (eða lífrænni sítrónu) – rifinn fínt
- 300 g hveiti
- 2 tsk lyftiduft
- 3 msk mjólk
Krem
- 90 g hindber
- 200 g flórsykur
- 2 – 3 msk vatn
- 2 – 3 msk kókosflögur
Verklýsing
- Ofninn hitaður í 180°C
- Sykur og smjör sett í skál og hrært saman. Eggin sett út í – eitt í einu
- Vanilluextrakt og appelsínuberki blandað saman við – hrært aðeins
- Hveiti og lyftirduft sett út í – hrært saman með sleikju
- Mjólk bætt við í lokin – hrært saman með sleikju
- Deigið sett í 23 cm smelluform með smjörpappír í botninum
- Bakað í 35 – 40 mínútur (smekksatriði hversu vel kakan á að vera bökuð – sumum finnst betra að hafa hana aðeins blauta í miðjunni og þá nægir að baka hana í 35 mínútur. Þeir sem vilja hafa hana vel bakaða geta stungið prjóni í miðja kökuna til að kanna hvort hún sé alveg bökuð)
- Kakan látin kólna í forminu
Krem
- Hindber og 2 msk vatn sett í pott – hitað á meðalhita í 3 – 5 mínútur
- Sett í sigti – vökvanum, sem rennur af, er blandað saman við flórsykurinn – með sleikju. ATH. Ef blandan er þurr er ágætt að bæta við aðeins af vatni. Kremið má ekki verða of blautt – þá rennur það frekar út af kökunni
- Kókosflögum dreift yfir
Samsetning
- Kakan tekin úr smelluforminu og sett á kökudisk
- Kreminu smurt á kökuna og kókosflögum stráð yfir
