Huevos rancherosrétturinn hennar Ernu er dúndrandi góður
Uppruni
Erna Guðrún kom mér á bragðið með þennan rétt. Hann er í algjöru uppáhaldi hjá okkur Örnu. Það tekur örstutta stund að úbúa hann og ef maður er svo heppinn að eiga mátulega þroskað avókadó þá er þetta frábært í kvöldmatinn…. allavega fyrir kvenfólkið á heimilinu.
Ath. Avókadó er alltaf geymt við stofuhita. Þegar það er orðið mjúkt viðkomu (þegar ýtt er létt á það með þumalfingri og það gefur aðeins eftir) má gera ráð fyrir að það sé tilbúið. Ef ég ætla ekki að nota það alveg strax set ég það í kælinn til að draga það á langinn að avókadóið ofþroskist.
Hráefni
- 3 – 4 egg
- Olía og smjörklípa
- 1 dós hakkaðir tómatar (niðursoðnir) – gott að hafa með basil
- 2 hvítlauksrif
- ¼ – ½ laukur – saxaður smátt
- Nokkarar chiliflögur – smá sleppa
- 8 – 15 litlar mozarellakúlur/mozarellasneiðar
- 1 avókaó
- Feskt kóríander eða steinselja
- Salt og pipar
- Rifinn parmesanostur – má sleppa
Verklýsing
- Laukur og hvítlaukur steiktir á lítill pönnu á vægum hita í nokkrar mínútur
- Niðursoðnum tómötum bætt við og suðan látin koma upp
- Búnar til þrjár – fjórar litlar holur og eggin sett þar í. Mosarellakúlum bætt við og lokið sett ofan á. Soðið í 5 – 7 mínútur – lokið tekið af
- Kryddað með salti og pipar, parmesan stráð yfir, avókadó skorið niður og sett ofan á. Fesku kóriander/steinselju dreift yfir í lokin
Gott með: Súrdeigsbrauði en það er alls ekki nauðsynlegt