Ofnbakaðar kartöflur með góðri sósu - frábært meðlæti
Uppruni
Hugmyndina fékk ég á veitingastað og ákvað að prófa eitthvað svipað. Útkoman var sérstaklega góð og á vel við hvort sem um er að ræða fisk, kjöt eða hamborgara. Gott meðlæti sem er auk þess prýði á matarborðinu.
Hráefni
Kartöflur
- 2 kg kartöflur – skornar í báta
- ½ dl olía
- ½ msk hvítvíns/eplaedik
- Tæplega 1 tsk hunang
Sósa og skraut
- 2 dl grísk jógúrt
- U.þ.b. 1 dl mjólk (fer eftir þykktinni á grísku jógúrtinni… ef hún er þykk þarf meira af mjólk og öfugt)
- 1 msk hunang
- 1 tsk þurrkað dill (eða 1 msk ferskt dill)
- 15 – 20 stk vínber – skorin í báta
- ½ dl jarðhnetur
- 2 msk grófar kókosflögur (má sleppa)
Verklýsing
Kartöflur
- Ofninn hitaður í 180°C
- Olíu, ediki og hunangi blandað saman í stórri skál og kartöflum velt upp úr blöndunni. Þær settar í ofnskúffu og látnar bakast 20 – 30 mínútur
- Hrært í og bakað í 10 – 15 mínútur til viðbótar á meðan sósan er útbúin
Sósa og skraut
- Grísk jógúrt og mjólk pískaðar saman. Hunang og dill sett út í – hrært
- Þegar kartöflurnar eru steiktar í gegn eru þær settar í skál og sósunni hellt yfir kartöflurnar – í miðjuna
- Skreytt með vínberjum, hnetum og kókosflögum