Ístertan sem ekki klikkar
Uppruni
Þessi kom upprunalega frá Dagnýju, vinkonu minni, en hefur tekið einhverjum breytingum síðan.
Forvinna
Þessi terta fer beint í frysti eftir lögun og því hægt að búa hana til töluvert áður. Eins má gera botnana sér og klára hana þegar vel stendur á.
Hráefni
Marengs
- 200 g sykur
- 4 eggjahvítur
- 1 tsk lyftiduft
- 5 dl kornflögur
Ís
- 4 eggjarauður
- 4 msk sykur
- 4 dl rjómi
- 100 g suðusúkkulaði – hakkað
- 10 stk kokteilber – hökkuð (má sleppa en þau gefa fallegan lit)
Karamella
- 5 msk púðursykur
- 1 dl rjómi
- 1 g smjör eða smáklípa
- Nokkrir vanilludropar
Þeyttur rjómi til skreytingar
Verklýsing
Botnar
- Ofninn hitaður í 150°C
- Sykur og eggjahvítur þeytt saman þar til blandan verður hvít og létt
- Lyftidufti og kornflögum blandað saman og bætt við blönduna
- Bökunarpappír settur í tvær ofnskúffur. Notið 24-26 cm hringform til að teikna útlínur. Ef uppskriftin er tvöfölduð er tilvalið að nota ofnskúffuna
- Blöndunni dreift jafnt innan í hringina á bökunarpappírnum
- Bakað í 45-60 mínútur
Ís
- Rjómi þeyttur og settur í skál
- Eggjarauður og sykur þeytt saman. Má nota sömu skál og rjóminn var þeyttur í – óþarfi að þvo hana á milli. Þeytið þar til hræran verður létt og ljós
- Rjómanum bætt í ásamt hökkuðu suðusúkkulaði og kokteilberjum
Karamella
- Allt hráefni er sett í pott og soðið saman
Samsetning
- Annar marengsbotninn er settur ofan í hringform. Ísblöndunni er hellt yfir og hinn marengsbotninn lagður ofan á. Gott að láta botninn snúa upp (á hvolfi) þannig að yfirborðið sé slétt og auðveldara að dreifa karamellunni ofan á
- Karamellunni dreift jafnt yfir kökuna
- Kanturinn skreyttur með þeyttum rjóma
- Sett í frysti og tekin út 2 klukkustundum áður en bjóða á upp á hana
Geymsla
Kakan geymist vel bæði í kæli og í frysti, bara ekki of lengi. Gott er að setja plastfilmu yfir kökuna ef hún er geymd í frysti.
Á myndinni er tertan á veisluborði og uppskriftin tvöföld.
