Lúxusfiskréttur sem stendur ennþá fyrir sínu
Uppruni
Um daginn var Heimir að rifja upp gamla og góða fiskréttinn sem við bjuggum oft til á árum áður. Ég fann gömlu uppskriftina en hugmyndin kom úr gömlu Ostalyst bókinni – hún hefur tekið einhverjum breytingum.
Forvinna
Hægt er að gera sósuna (verklýsingu 1 – 3) tilbúna einhverju áður og eiga svo bara eftir að setja fiskinn út í og láta hann e
Hráefni
- 1 kg roðlaus ýsuflök – skorin í bita
- 1 laukur – saxaður smátt
- Smjör/olía til steikingar
- U.þ.b. ½ blaðlaukur – sneiddur smátt
- ¼ tsk turmeric
- 1 tsk karrý
- 2 sellerístönglar (stilkar) – sneiddir smátt (má sleppa)
- 2 – 3 gulrætur – sneiddar
- 1 rauð paprika – sökuð (má sleppa)
- 1 dl eplamauk eða epli (rifið fínt). Einnig má nota ananassafa úr 1 lítilli dós (þeim sem finnst ananas góður geta látið hann fljóta með)
- 150 g rjómaostur – hreinn
- 1½ – 2 dl rjómi/matreiðslurjómi
- 1 – 1½ tsk saltflögur
- ½ tsk svartur pipar
- U.þ.b. 1 tsk fiskikraftur eða 1 teningur
- 2 dl rækjur
- Ferskur kóriander eða steinselja til skrauts
Verklýsing
Verklýsing
- Smjör brætt í potti/á pönnu – laukur og blaðlaukur látnir krauma á vægum hita. Karrý og turmerik sett út í – hrært öðru hvoru
- Gulrótum og selleríbitum bætt við og hitinn aðeins hækkaður. Paprika sett út í og allt látið krauma – hrært reglulega
- Eplamauki (rifið epli eða ananassafa) og rjóma hellt út í og rjómaosturinn látinn bráðna í blöndunni. Fiskikraftur látinn leysast upp – piprað og saltað
- Fiskurinn settur út í og allt látið krauma á meðalhita í u.þ.b. 10 – 14 mínútur (háð stærð fiskbitanna og hita sósunnar þegar fiskurinn er settur út í). Rækjur settar út í rétt áður en rétturinn er borinn fram
- Skreytt með kóriander eða steinselju
Meðlæti
Rétturinn borinn fram með soðnum hrísgrjónum eða soðnum kartöflum og fersku salati. Nýbakað brauð skaðar ekki.
