Einföld og góð rúlluterta með hvítum súkkulaðirjóma
Uppruni
Rúllutertur hafa marga kosti. Þær er einfaldar, fljótlegar, léttar og eru mikið prýði á kaffiborðinu. Það má alveg leika sér svolítið með þessa uppskrift og útfæra hana á ýmsan máta. Hér útbý ég rjóma með hvítu súkkulaði en einnig má einfalda hlutina ennþá meira og setja bara venjulegan þeyttan rjóma á milli. Stundum þarf nokkur skipti til að ná tökum á að baka svampbotn en þegar því takmarki er náð má segja að þetta sé auðveldara og að ég tali nú ekki um ódýrara en að gera sér ferð í bakaríið.
Hráefni
Botn
- 4 egg
- 100 g sykur
- 100 g hveiti
- 1 tsk lyftiduft
Hvítur súkkulaðirjómi
- 5 dl rjómi
- 200 g hvítt súkkulaði – saxað
Skraut/samsetning
- Ber og/eða sulta
Verklýsing
Botn
- Ofninn hitaður í 200°C (blástur)
- Egg og sykur hvítþeytt
- Hveiti og lyftidufti bætt varlega út í (sigta hveitið og lyftiduftið) ekki of mikið í einu og blanda varlega saman með sleif
- Bökunarpappír settur í ofnskúffu – gott að smyrja pappírinn aðeins með hörðu smjöri
- Deiginu dreift yfir pappírinn og bakað í 10 – 12 mínútur – fylgjast með svo að kakan verði ekki of dökk
- Kökunni hvolft á annan bökunarpappír – hinn tekinn af og ofnskúffan sett ofan á – til þess að koma í veg fyrir að kakan harðni
Hvítur súkkulaðirjómi
- Rjóminn hitaður – potturinn tekinn af hellunni. Súkkulaði sett úr í og hrært saman við þar til það hefur allt bráðnað. Sett í kæli í u.þ.b. 8 tíma
- Þegar blandan er tekin út daginn eftir getur hafa myndast súkkulaðiskán ofan á. Þá hef ég bara blandað henni saman við með sleif (getur verið aðeins kornótt)
- Þeyta blönduna vel – þannig að hún verði þykk
Samsetning
- Ofnaskúffan tekin af botninum og súkkulaðimúsin sett ofan á – gott að hafa aðeins minna á þeim enda sem endað er á að rúlla. Ath. Rúllutertan verður minni um sig ef ekki er notaður allur rjóminn – þá er upplagt að setja afganginn í skál og hafa til hliðar fyrir þá sem vilja meira
- Fersk ber, sulta eða það sem hverjum og einum finnst gott, sett ofan á. Kökunni rúllað upp
- Kökuna má skreyta með sigtuðum flórsykri og berjum. Einnig getur verið fallegt að skera hana í hæfilega stórar sneiðar, aðeins af rjóma sett ofan á og síðan skraut. Kakan borin þannig fram
Botn
Hvítur súkkulaðirjómi