Ómótstæðilegt konfekt með gráfíkjum og marsipani
Uppruni
Uppskriftin kemur frá Eriku snilldarkokki. Konfektið er orðið hluti af jólabakstrinum og bý ég það einnig til þegar farið er í hina árlegu göngu. Konfektið sómir sér einnig vel á veisluborði.
Forvinna
Konfektið má búa til nokkrum dögum áður og geyma í kæli. Best er að marsipanfyllingin standi yfir nótt eða a.m.k. í nokkrar klukkustundir.
Hráefni
- 100 g marsipan
- 100 g fíkjur – skornar í bita
- 1 – 1½ msk koníak
- 100 g suðusúkkulaði eða 70% suðusúkkulaði
- Nokkrir dropar af olíu – má sleppa
Verklýsing
- Marsipan og niðurskornum fíkjum blandað saman ásamt koníaki – plastfilma sett yfir og látið standa í nokkrar klukkustundir eða yfir nótt
- Kúlur mótaðar – gott að nota teskeið til að ákveða magnið – kælt
- Súkkulaði brætt í skál yfir vatnsbaði – ekki á of miklum hita. Það er betra að láta það bráðan rólega. Dropar af olíu settir út í
- Kúlunum dýft ofan í súkkulaðið og það látið renna aðeins af – gott að nota bogagrind til að setja á skálina og láta renna af kúlunum áður en þær eru setta á smjörpappír – einnig fínt að nota gaffal. Gott að skafa súkkulaðið af undir kúlunni svo að ekki myndist of mikið súkkulaði á neðra hluta hennar
- Sett í kæli og látið aðeins harðna – sett í box með smjörpappír í botninum
Geymsla
Geymist vel í kæli í nokkra daga.
Konfekt í ferðalagið
