Morgunbrauð Frú Sigríðar
Uppruni
Þetta brauð hefur Frú Sigríður bakað undanfarna áratugi og borðað í morgunmat. Reglulega bakar hún brauðið, sker það niður og geymir í frystinum. Á hverjum morgni nær hún sér í sneið til að hafa með teinu sínu.
Hráefni
- 3 tsk þurrger eða 50 g pressuger
- 3 dl vatn
- 200 g kostasæla – við stofuhita
- 1 tsk sykur
- 1 tsk salt
- 2 msk olía
- 125 g fjögurrakornablanda (má einnig nota þriggjakornablöndu/fjölkornablöndu)
- kúmen – bæði til að setja í deigið og strá ofan á
- 550 g hveiti
- egg til penslunar – við stofuhita
- birkifræ
- sesamfræ
Verklýsing
- Gerið sett í skál og leyst upp í volgu vatni (37°C) – (gerbakstur – góð ráð)
- Hveiti, kotasælu, sykri, salti, matarolíu, kúmeni og kornblöndu bætt út í og hnoðað vel saman. Plastfilma sett yfir og deigið látið hefast á volgum stað í 45 mínútur
- Ofninn hitaður í 200°C
- Deigið tekið úr skálinni og brauðhleifur (kringlóttur eða aflangur) mótaður, sett í ofnskúffu með bökunnarpappír – ristaður kross eða rákir settar í deigið
- Brauðið penslað með léttþeyttu eggi – birki, kúmeni og sesamfræjum stráð yfir
- Bakað í 25 mínútur
Geymsla
Brauðið er glimrandi gott nýbakað og fínt að eiga sneiðar í frysti.
