Moscow Mule – frískandi engiferdrykkur
Uppruni
Uppskriftin kemur frá Drífu og er eitt afsprengi af áhuga hennar á kokteilum. Þessi kokteill er frískandi og góður – einnig án áfengis.
Forvinna
Gott að kreista lime-ið áður.
Hráefni
- ½ lime
- 3 litlar engifersneiðar
- 1 – 1½ cl sykursíróp (sjússamælir er 3 cl sem jafngildir einum einföldum)
- 4½ cl vodka eða gin – (má sleppa)
- Engiferbjór – fæst t.d. í Fjarðarkaupum
- Engiferbiti og limesneið til skrauts
Verklýsing
- Glös/glas sett í frystinn – gott að nota viskíglas
- Lime skorið í tvennt og kreist ofan í hristarann – lime er líka sett í hristarann ásamt engifersneiðunum
- Sykursíróp sett í hristarann og allt kramið vel – ef ekki er til áhald til að kremja má setja allt í mortel og kremja í því – sett svo aftur í hristarann
- Vodka hellt í hristarann og klaka bætt út í – allt hrist vel saman
- Glas tekið úr frysti og slatti af klaka settur í það. Hellt úr hristaranum í glasið – klakinn skilinn eftir
- Fyllt upp í glasið með kældum engiferbrjór og hrært í glasinu
- Skreytt með engifer og lime
