Basil Gimlet – frábær kokteill
Uppruni
Uppskriftin kemur frá Drífu og er afsprengi af kokteiláhuga hennar. Þessi kokteill hefur vakið mikla lukku og er sannarlega í miklu uppáhaldi.
Forvinna
Má kreista lime-ið áður.
Hráefni
- 3 cl sykursíróp (sjússamælir er 3 cl sem jafngildir einum einföldum)
- 10 basilikublöð
- U.þ.b. 3 cl limesafi (1½ lime)
- 4 – 6 cl gin – fer eftir því hversu sterkt hver og einn vill hafa drykkinn
- Klaki
- Basilikublöð og nýmalaður pipar
Verklýsing
- Glas sett í frystinn eða kælt með klaka
- Basilikublöð og sykursíróp sett í hristara og kramið vel þar – ef ekki er til áhald til að kremja saman má nota mortel
- Klakar settir í hristarann ásamt lime og gini
- Allt hrist vel saman
- Glasið tekið úr frysti (eða klakinn tekinn út glasinu) og hellt úr hristaranum í það – til að drykkurinn verði vel tær má nota sigti
- Basilikulaufið, sem nota á til skrauts, er klappað saman með lófunum til að slétta það aðeins og það lagt ofan á drykkinn – sett ögn af nýmuldum pipar
