Öðruvísi kjúklingur - frískandi með ferskum kryddjurtum og hvítkálssalati
Uppruni
Anna Kristín vinkona mín benti mér á þessa uppskrift – hún fann hana á breskri sjónvarpssíðu. Hlutföllin voru óljós þannig að ég skráði niður hlutföllin mín. Rétturinn er mjög góður og hollur – ég vil alls ekki tapa uppslýsingunum. Set þetta því hér inn. Það passar ágætlega að kaupa eina einingu af hverri kryddjurt (annað hvort í potti eða innpakkað í boxi) – helmingurinn fer í maukið, sem fer á kjúklinginn, en hinn í sósuna.
Hráefni
Kjúklingur
- 1 kjúklingur
- 1¼ dl ferskt kóríander
- 1¼ dl fersk mynta
- 1¼ dl fersk basilíka
- 1½ stór hvítlaukur sem er í körfunum (ca. 25 g)
- 1 biti engifer – afhýddur ca. 25 g
- ½ grænt chili – fræhreinsað
- 2 dl jógúrt
- 3 stk lime – safi og börkur
- Nýmalaður pipar og saltflögur
Salatdressing
- 1 dl ferskt kóríander
- 1 dl fersk mynta
- 1 dl fersk basilíka
- Saltflögur
- ½ stk grænt chili – fræhreinsað og skortið í litla bita
- ½ stór hvítlaukur (í körfunum) – skorinn í smáa bita
- 2 msk sojasósa
- 1½ msk fiskisósa
- 1 tsk sesamolía
- Safi úr 2 lime
- 1 – 2 tsk hunang
Salat
- ½ – ¾ hvítikálshöfuð
- 2 – 3 rauðlaukar
Verklýsing
Kjúklingur
- Ofninn er hitaður í u.þ.b. 255°C (yfir- og undirhiti)
- Kóríander, mynta og basilíka sett í matvinnsluvél eða öflugan blandara
- Hvítlauki, engifer og chili bætt við
- Að lokum er jógúrt og lime blandað saman við
- Saltað og piprað
- Hryggur kúklingsins klofinn í sundur – hryggurinn klipptur frá, kjúklingi snúið við og þrýst á bringuna þannig að kjúklingurinn flest út (sjá mynd)
- Rákir skornar í kjúklinginn hér og þar, pipra og salta
- Kjúklingurinn settur á ofnplötu og maukinu dreift yfir
- Kjúklingurinn látinn grillast í 40 – 50 mínútur. Fylgjast með svo að kjúklingurinn brenni ekki – ágætt að setja álpappír yfir til að koma í veg fyrir það þ.e.a.s. þegar góður litur er kominn á kjúklinginn
Salatdressing
- Koríander, mynta og basilíka sett í mortel
- Chili og hvítlauk bætt við og mulið saman við
- Afgangi af hráefnum bætt við
Salat
- Hvítkál og laukur skorið í þunnar sneiðar og sett á stórt fat
- Salatdressing sett yfir og kjúklingurinn lagður ofan á þegar hann er tilbúinn