Frískandi hvít súkkulaðimús með sítrónu
Uppruni
Þessa uppskrift fann ég í sænsku blaði. Frískandi og gott.
Forvinna
Gott að útbúa súkkulaðisítrónukremið, setja í skálar og geyma í kæli yfir nótt.
Hráefni
Hvítt súkkulaði og sítrónukrem
- 100 g hvítt súkkulaði – saxað fínt
- 2 dl rjómi
- ½ dl sítrónusafi
- ½ dl sykur
- 4 eggjarauður
Rjómasykur og skreyting
- 1½ dl rjómi
- 2 msk flórsykur
- 2 dl blönduð fersk ber
Verklýsing
Hvítt súkkulaði og sítrónukrem
- Rjómi, sítrónusafi og sykur hitað að suðu. Söxuðu hvítu súkkulaðinu blandað saman við og hrært þar til súkkulaðið hefur bráðnað. Blandan látin kólna aðeins
- Eggjarauður þeyttar í skál með þeytara. Súkkulaðiblöndunni hellt í mjórri bunu ofan í eggjarauðurnar – þeytt um leið
- Blöndunni hellt aftur í pottinn og hún látin þykkna varlega á jöfnum hita – hrært í reglulega. Mikilvægt að blandan sjóði ekki – hætta um leið og blandan hefur þykknað. Ef blandan hefur orðið of heit getur hún orðið kornótt
- Blöndunni hellt í 4 – 5 skálar. Látið standa í a.m.k. 3 klukkutíma. Þolir vel að vera 1 – 2 daga í kæli með plastfilmu yfir
Rjómasykur og skreyting
- Rjómi og flósykur þeytt saman – ekki láta rjómann verða alveg stífþeyttan
- Rjómasykrinum dreift ofan á súkkulaðimúsina og skreytt með berjum