Límonaði - gott og svalandi
Uppruni
Þessi uppskrift kemur úr sænskri bók og hef ég oft búið til þennan frískandi drykk. Góð tilbreyting í veislum eða á góðum sumardegi.
Forvinna
Blöduna er hægt að laga eitthvað áður en sódavatni er blandað saman við rétt áður en drykkurinn er borinn fram.
Hráefni
Grunnur
- 2 dl vatn
- 1 dl sykur
- Safi úr 3 sítrónum eða 4 lime
Samsetning
- 1 – 1½ lítri sódavatn – smekksatriði hversu sterkt límónubragðið á að vera
- Sneiðar af lime eða sítrónu
- Klaki
Verklýsing
- Vatn hitað að suðu og sykur settur út í – hrært þar til sykurinn er uppleystur
- Sítrónu- eða limesafa bætt við – gott að láta aldinkjötið fylgja með
- Látið kólna
- Grunnurinn settur í ílát og geymdur í kæli þar til að á að bera hann fram. Þá er hann settur í könnu ásamt klaka, sítrónu- eða limesneiðum og sódavatni
