Uppáhalds kúskús með grænmeti
Uppruni
Þessi uppskrift er heimatilbúin. Hún varð til við eina tiltektina í ísskápnum og lukkaðist það vel að hún hefur verið notuð aftur og aftur.
Forvinna
Hægt að steikja grænmetið eitthvað áður. Það tekur síðan örstutta stund að sjóða kúskúsið og blanda öllu saman.
Hráefni
- 2½ dl kúskús
- 2½ dl vatn
- 3 msk olía
- 1 tsk salt
- 3-4 gulrætur
- 2 vorlaukar
- 2 hvítlauksrif
- Rúmlega ½ dl fetaostur
- Olía til steikingar
- Slurkur af klettasalati
Sósa
- ½ tsk edik
- 1 tsk olía
- Salt og pipar
Verklýsing
- Vorlaukur og hvítlaukur saxaðir smátt og steiktir á lágum hita
- Gulrætur saxaðar í mjög smáa bita og bætt saman við. Látið malla á meðalhita í 20 mínútur
- Kúskús soðið: Vatn hitað að suðu. Olíu og salti bætt við ásamt kúskús – tekið af hellunni og hrært í reglulega í 5 mínútur
- Kúskús, gærnmeti og fetaosti blandað saman
- Klettasalati bætt við í lokin
Sósa
- Ediki og olíu blandað saman ásamt salti og muldum pipar
- Hrært saman við kúskússalatið
Meðlæti
Á vel við allskyns kjöt og grillmat. Mér finnst gott að bera það fram t.d. með kjúklingalærum – Kjúklingaleggir – einfalt að elda.