Steinasteik – frábær helgarmatur

Uppruni

Fyrir mörgum árum fengum við stein á grind ásamt hiturum í jólagjöf. Gjöfin hafnaði ónotuð í geymslunni í mörg ár þar sem við vissum ekki  hvernig átti að nota gripinn. Auk þess vorum við með lítil börn og illa við að vera með opinn eld á matarborðinu. Einn daginn tókum við steininn fram og ákváðum að prófa þennan eldurnarmáta og sló hann heldur betur í gegn. Börnunum finnst þetta bæði skemmtileg stemning og góður matur. Við höfum haft svona mat í boðum og er hann á óskalista hjá vinum barna okkar. Þessi steinn er svipaður pizzusteini fyrir grill – hann springur með tímanum þannig að reikna má með endurnýjun (fæst í sumum búsáhaldabúðum – keypti síðast í Kúnígúnd. Ath. verður að vera með hitara undir). Það er hægt að steikja hvað sem er – láta hugmyndarflugið ráða. Hér fyrir neðan er bara það helsta og vinsælasta sem við höfum notað. Þar sem það tekur tíma að elda matinn má gera ráð fyrir að fólk borði hægar og minna.

Forvinna

Kjötið skorið í bita og marið aðeins með kjöthamri. Humarinn látinn þiðna yfir nótt í kæli og hreinsaður. Fiskinn og grænmeti er einnig hægt að skera niður í bita einhverju áður.