Smjörsteiktar perur með sætu
Uppruni
Það er gott að eiga steikta perubita í smá sætu til að bjóða upp á t.d. með kjötbollum, hreindýrabollunum, lifrarkæfunni, saltkjötsbollunum eða þar sem gott er að blanda smá sætu við. Einfalt og gott sem geymist vel í kæli – muna samt að taka perukrukkuna úr kælinum töluvert áður þar sem bitarnir eru betri við stofuhita.
Hráefni
- 1 stór pera eða 2 litlar – skornar niður í litla bita
- Smjörklípa
- 1 – 1½ tsk hunang
- 1 msk hvítvín
- 1 msk hvítvínsedik
Verklýsing
- Smjör sett á pönnu og látið ná góðum hita. Perubitarnir settir á pönnuna og steiktir í smjörinu. Því næst er hunang sett yfir og steikt áfram þar til kemur smá litur á perubitana. Bitarnir lagðir til hliðar
- Hvítvín og hvítvínsedik sett á pönnuna og hitinn látinn koma upp aftur. Perubitunum bætt við og blandað saman
- Látið kólna og sett í skál/krukku
