Lúxus guacamole
Uppruni
Það er fátt betra en gott guacamole. Hér kemur ein lúxusútgáfa sem er svona meira spari. Ef við erum á hraðferð er frekar skellt í einfaldari útgáfuna….heimagert guacamole.
Ég veit að fleiri en ég eru í vandræðum með að fá góð avókadó. Mér finnst skemmtilegast að notað fersk en þegar ég finn engin góð eða öll, sem ég hef keypt, eru meira eða minna ónýt…. þá á ég varabirgðir í frystinum sem hafa gefið ágætis raun (hægt að kaupa frosin avókadó í búðum). Ég hef því engin avókadóráð … jú eitt. Ef ég ætla ekki að nota þau strax skelli ég þeim í kælinn til að hægja á þroskanum. Hef stundum gripið nokkur með mér heim ef ég rekst á góð avókadó erlendis.
Hráefni
- 2 avókadó – mátulega þroskuð (einnig hægt að nota frysta avókadóbita) – maukuð
- 2 msk rauðlaukur – saxaður
- 1 tómatur – skorinn í 4 báta… fræhreinsaður og saxaður niður
- 1 salatlaukur (eða 2 litlir skarlottulaukar) – saxaður smátt
- 2 hvítlauksrif – söxuð eða pressuð
- Safi úr 1 stk lime
- 2 msk ferskt kóriander eða steinselja – má sleppa
- Salt og pipar
Verklýsing
- Öllu blandað saman í skál
