Vetrarsalat
Uppruni
Þetta salat á vel við yfir vetrarmánuðina. Hlutföllin eru ekki heilög – smekksatriði hvað fólki finnst gott. Sumum finnst betra að hafa mikla sósu, aðrir vilja sterkt hunangsbragð og enn aðrir vilja alls ekki epli.
Hráefni
- U.þ.b. 500 g hvítkál – smátt skorið
- U.þ.b. 300 g gulrætur – rifnar
- ½ – 1 epli – rifið
- 1 – 2 msk majones
- ½ – 1 tsk hunang
- 1 tsk dijon sinnep
- 1 dl sýrður rjómi
- Má setja safa úr appelsínu og þá minna af hunangi
- Pipar
Verklýsing
- Hvítkál skorið í þunnar ræmur, gulrætur og epli rifin – sett í skál
- Annað hráefni sett í hristiglas og hrist
- Hellt yfir grænmetið og öllu blandað vel saman
Geymsla
Salat er frekar viðkvæmt í geymslu en þetta þolir alveg nokkra daga í kæli.
