Hrökkbrauðið góða
Uppruni
Þessi uppskrift kemur frá mömmu. Frábært með osti og líka eitt og sér.
Hráefni
- 4 dl heilhveiti
- 4 dl haframjöl
- 2 dl sólblómafræ
- 1 dl hörfræ
- 1 dl sesamfræ
- 1 tsk salt
- 7 dl vatn
Verklýsing
- Öllu blandað saman og hnoðað, plast eða lok sett yfir og látið standa í 30 mínútur
- Deigið borið á margnota bökunarpappír eða beint á ofnskúffuna (ef notaður er einnota bökunarpappír vill deigið festast við hann) – passar á þrjár venjulegar bökunarplötur (400 g á hverri plötu)
- Ofninn hitaður í 160°C (blástursofn) og brauðið bakað í 20 mínútur – allar plöturnar eru samtímis í ofninum
- Tekið út og skorið með pizzuskera í mátulega bita
- Sett aftur inn í 150°C heitan ofn og bakað í 50 mín – plöturnar færðar til öðru hvoru
- Tekið út og brotið í skornu bitana
Geymsla
Hrökkbrauðið geymist vel við stofuhita – þarf ekki að vera í poka.
