Bestu Brioche hamborgarabrauðin

  • Servings: 10 - 12
  • Difficulty: meðal
  • Print

Uppruni

Þegar bjóða á upp á djúsi borgara, smjörsteikta humarloku eða góða steikarsamloku er fátt betra en heimabakað Brioche brauð. Brauðin eru best nýbökuð en þau má einnig frysta.

 

Hráefni

  • 25 g pressuger eða 6 g þurrger (u.þ.b. 3 tsk)
  • 1 egg
  • 1 dl vatn
  • 2 dl mjólk
  • 2½ msk sykur
  • 1 tsk salt
  • 8 dl hveiti
  • 100 g smjör – við sofuhita
  • 1 egg til að pensla með

Verklýsing

  1. Mjólk og vatn velgt í potti (alls ekki heitara en 37°C – frekar aðeins kaldara)
  2. Ger sett i skál og mjólkurblöndunni blandað saman við
  3. Sykur, salt, egg og hveiti sett út í og deigið hnoðað í 5 mínutur
  4. Smjörbitum bætt við … einum í einu og deigið hnoðað í 10 mínútur til viðbótar. Ef hnoðað er kröftuglega er vissara að fylgjast með að vélin endi ekki á gólfinu.  Deigið verður svolítið teygjanlegt þegar það er hnoðað svona lengi
  5. Klútur eða plastfilma  sett yfir og deigið látið hefast í 1 klukkustund (má fara alveg upp í 2 klukkustundir)
  6. Deigið sett á hveitistráða borðplötu og skipt í 10 -12 bita (hver biti er 80 -100 g) – bollur mótaðar og settar á ofnplötu með bökunarpappír.  Hver bolla flött aðeins út með því að leggja spaða lauslega á hana
  7. Viskustykki lagt yfir og bollurnar látnar hefast í 45 mínútur
  8. Ofninn hitaður í 200°C (blásturstilling)
  9. Bollurnar penslaðar með pískuðu eggi (egg hrært saman)
  10. Bakaðar í 10 – 15 mínútur. Fylgjast með síðustu mínúturnar svo að þær verði ekki of dökkar

 

Látið hefast í skálinni eða í lokuðu plastboxi 

Eftir tæplega tveggja klukkustunda hefingu

 

Spaði lagður létt á…

 

Leave a Comment

Netfang þitt verður ekki birt. Nauðsynlegir reitir eru merktir *

*