Kjöt í súrsætri sósu
Uppruni
Þessi uppskrift kemur úr gamalli kínverskri kokkabók en hefur tekið einhverjum breytingum. Góður og einfaldur réttur.
Forvinna
Sósuna er upplagt að gera einhverju áður og láta hana standa þar til rétturinn er útbúinn.
Hráefni
Kjöt og grænmeti
- 500 g kjöt skorið í bita eða ræmur – t.d. svínalundir, lambakjöt eða kjúklingur
- 1 paprika – t.d. ½ græn og ½ rauð paprika – skorin í sneiðar eða bita
- 1 laukur – skorinn í sneiðar
- 1 lítil dós af ananasbitum (geyma safann fyrir sósuna)
- Olía til steikingar
Sósa
- 75 g púðursykur
- Smá salt
- 1 dl eplaedik
- 1 pressaður hvítlauksgeiri
- 1 tsk söxuð eða rifin engiferrót
- 1 dl tómatsósa
- 1 dl ananassafi (u.þ.b. ein lítil dós)
- 2 msk kornsterkja (maísenamjöl)
Verklýsing
Sósa
- Allt hráefni sett í pott og stöðugt hrært í á meðan sósan þykknar. Látið sjóða í 1 – 2 mínútur
Kjöt og grænmeti
- Grænmeti snöggsteikt á pönnu (1 – 2 mínútur) og sett til hliðar
- Kjöt steikt þar til það er steikt í gegn (ágætt að steikja fyrst kjötið á háum hita og láta lokast – lækka svo hitann)
- Grænmeti og sósu bætt út í og blandað saman við. Hitað í u.þ.b. 2 mínútur og borið fram
Meðlæti
Hrísgrjón, niðurskornir tómatar og gúrka.
Svínakjöt eða kjúklingur
Sósan tilbúin