Fljótlegt og gott hvítlauksaioli
Uppruni
Stundum set ég niður hvítlauk í garðinn en þar hefur hann dafnað vel og fjölgað sér. Núna í sumar hef ég náð mér í einn og einn og datt því í hug að bjóða upp á heimagert hvítlauksaioli/majónes. Það er gott með pasta, grillmat eða nýbökuðu brauði. Hvítlauksmajónesið er einfalt og geymist vel í kæli auk þess sem það hentar þeim sem aðhyllast ketó.
Hráefni
- 2 eggjarauður
- 1 tsk sítrónusafi
- ½ tsk dijon sinnep
- 2 hvítlauksrif – pressuð
- 1 dl olía
- Saltflögur
Verklýsing
- Eggjarauður settar í hrærivélarskál og þeyttar (sjá myndband fyrir neðan)
- Sítrónusafi settur út í og þeytt áfram. Þar næst er sinnepi og hvítlauk þeytt saman við
- Olíu hellt rólega í mjórri bunu í skálina og allt þeytt saman
- Að lokum er saltflögum stráð yfir – þeytt aðeins áfram
