Heimagerð pizzusósa
Uppruni
Þetta er sósan hans Heimis sem við búum alltaf til ofan á heimagerðu pizzur. Það er ekkert heilagt með kryddin … oft notum við bara það sem er til hverju sinni. Endrum og eins er gerð spariútgáfa sem gefur voða gott bragð. Þessa sósa er bæði einföld og góð.
Forvinna
Þetta geymist ágætlega í kæli og má gera daginn áður en pizzan er löguð.
Hráefni
- 1 – 2 dósir af niðursoðnum tómötum
- 1 flaska af tómatpasata (má sleppa)
- 1 – 2 hvítlauksrif
- 1 – 2 tsk hvítlaukssalt
- 2 tsk italian seasoning
- 1 msk tómatpurra – má sleppa
- 1 – 2 vel þroskaðir tómatar – gott að nota tómata sem eru orðnir slappir (má sleppa)
- Oregano
- Spari útgáfa: ½ – 1 stk laukur – saxaður smátt
Verklýsing
Verklýsing
- Látið hvítlauksrifin í blöndunginn (mixerinn) og kurlið þau
- Tómatarnir settir í ásamt öllu hinu og maukað
- Spari útfága: Saxaður laukur settur í pott ásamt olíu og góðri klípu af smjöri og látið malla á lágum hita ásamt smásöxuðum hvítlauk í u.þ.b. 10 – 15 mínútur. Með því að lofa lauknum að malla á lágum hita svo hann verður glær kemur sætur keimur af lauknum sem gerir pizzusósuna enn betri
Geymsla
Þetta má geyma í kæli í nokkra daga. Ef afgangur er af sósunni er tilvalið að nota hann í Hakk og spagettiréttinn eða Pizzusnúða – fyrir börn.
Pingback: Súrdeigspizzur – tilvalinn helgarmatur – hanna.is