Ljúffengur hummus
Uppruni
Þessi uppskrift er heimatilbúin. Hummusinn er góður með allskyns brauði og kexi en á einnig vel við þegar borðuð er súpa með nýbökuðu brauði.
Forvinna
Hummusinn er hægt að útbúa daginn áður og geyma í kæli. Best að setja skrautið ofna á rétt áður en hann er borinn fram. Mér finnst betra að láta hummurinn ná stofuhita þegar hann er borðaður, og tek hann því úr kæli töluvert áður.
Hráefni
- U.þ.b. 300 g kjúklingabaunir – niðursoðnar
- ½ græn eða rauð paprika – skorin í bita
- ½ – 1 chili – skorið í bita og fræhreinsað
- 2 – 3 hvítlauksrif
- 3 – 4 msk seasamfræ – mulið í morteli
- ½ tsk cumin
- 2 – 3 msk fersk steinselja
- 2 dl olía
- Ögn af salti og nýmöluðum pipar
- Skraut:Ristuð graskerfræ (einnig hægt að nota Ristuð og léttsöltuð graskerafræ frá Sollu), þurrkaðar chiliflögur, olía, pipar og saltflögur – magn háð smekk og stærð yfirborðs á skálinni sem hummusinn er settur í
Verklýsing
- Allt hráefni sett í matvinnsluvél og maukað saman. Gott að setja á undan það sem tekur lengri tíma að maukast (t.d. hvítlaukur, paprika og chili) og láta vélina vinna á því fyrst
- Hummusinn settur í skál. Skrautinu dreift yfir
Geymsla
Geymist ágætlega í kæli.
