Súkkulaðipæ með karamellufyllingu

Verklýsing

Deig

1. Öllu hráefni blandað saman – hnoðað og kúla mótuð. Sett í plastpoka og geymt í kæli í u.þ.b. 30 mínútur
2. Ofninn hitaður í 175°C. Deigið flatt út þannig að hægt sé að setja það í 24-26 cm pæform með lausum botni (eða smelluformi). Gott að hafa smjörpappír undir og yfir deiginu og fletja það þannig út. Snúa því reglulega við og losa pappírinn reglulega frá. Þegar deigið er orðið nægilega stórt fyrir formið er smjörpappírinn tekinn af og það lagt í formið. Stinga hér og þar í botninn með gaffli.  Ath. að deigið á hliðunum getur lekið aðeins niður
3. Álpappír settur á brúnina allan hringinn (svo að ekki brenni) og bakað í ofni í 12 mínútur
4. Álpappír tekinn af og bakað í 5 – 10 mínútur til viðbótar. Látið kólna

Karamellufylling

5. Sykur, rjómi og síróp sett í pott með þykkum botni. Suðan látin koma upp – hræra reglulega. Soðið þar til hitinn nær 120°C (ég nota hitamæli til aðstoðar). Hræra stöðugt í
6. Þegar hitinn hefur náð 120°C er potturinn tekinn af hellunni og vanillusykur, smjör og salt hrært saman við. Smjörið látið bráðna – hrært
7. Karamellunni hellt í pæbotninn (eða kökubotninn) og látin kólna. Sett í kæli í a.m.k. 3 – 4 tíma

Súkkulaðikrem

8. Suðusúkkulaði saxað og sett í skál
9. Rjóminn hitaður í potti þar til hann er farinn að sjóða. Þá er honum hellt yfir suðusúkkulaðið – látið standa í 1 mínútu og blandað saman þar til kremið verður slétt og kekkjalaust
10. Súkkulaðikreminu hellt yfir karamellufyllinguna og pæið látið standa í kæli í 2 – 3 tíma

Skreyting

11. Kakan tekið úr bökunarforminu  (pæjforminu) – sett á kökudisk og skreytt með saltflögum