Eldspýtukökur - kransakökubitar
Uppruni
Um hver jól hefur mamma bakað eldspýtukökurnar eins og þær hafa alltaf verið kallaðar. Þessar eru einfaldar að baka og alltaf vinsælar.
Ath: Það er ekki sama hvaða marsipan er notað. Ég hef verið með það sem fæst í Fjarðarkaupum og þeir pakka sjálfir. Athuga að þetta er kransakökumassi (ekki hjúpmarsipan). Hef notað danska Odense marsipanið, með mismunandi árangri, en þar er sykur- og möndlumagnið mismunandi eftir tegundum. Kökurnar hafa lekið og orðið allt öðruvísi nema þegar ég hef notað marsipanið frá þeim með 63% möndlum – þá hefur það gengið glimrandi vel.Hráefni
Verklýsing
Athuga að þykkt og stærð á bitunum í lýsingunni er meira til viðmiðunar
- Ofinn hitaður í 175°C
- Möndlumassi, sykur, eggjahvíta og vatn hrært saman – ekki hræra lengi heldur bara rétt þar til hráefnin hafa blandast saman. Gott að setja deigið aðeins í kæli
- Deiginu skipt í 4 parta (deigið sem ekki er verið að nota er sett í kæli á meðan) og hver partur rúllaður í lengju sem er u.þ.b. 2 cm á þykkt
- Skorið í u.þ.b. 4 – 6 cm langa bita. Gott að laga aðeins skurðendana með fingrunum/hnífi þannig að kakan verði fallegri. Raðað á ofnskúffu/grind með smjörpappír. Til að kökurnar springi síður er gott að pensla eða spreyja þær með vatni
- Bakað í 15 – 17 mínútur. Mikilvægt að fylgjast vel með kökunum síðustu 5 mínúturnar
- Kökurnar látnar kólna á grind
- Suðusúkkulaði sett í skál, látið bráðna í örbylgjuofni eða yfir heitu vatnsbaði
- Öðrum endanum dýpt ofan í súkkulaðið – lagt á smjörpappír
- Súkkulaðið látið harðna og kökubitarnir settir í box. Best að geyma þá í lokuðu boxi í kæli – þar geymast þeir vel og lengi
Best að nota þennan kransakökumassa
Gott að pensla kökurnar með vatni – þá springa þær síður
Önnur útfærsla: mylja möndlur í skál, dýfa öðrum endanum í súkkulaði og velta síðan þeim enda upp úr möndlunum