Frískandi hrákaka með hindberjum
Uppruni
Ég fékk hugmyndina frá erlendri heimasíðu en gerði síðan mína eigin útfærslu. Kakan er bæði frískandi og falleg og gott að geta náð sér í sneið í frystinum þegar sætuþörfin segir til sín.
Forvinna
Kakan þarf að vera í frysti yfir nótt.
Hráefni
Botn
- 2½ dl döðlur
- 2½ dl hnetur – t.d. möndlur eða pekanhnetur
- ¼ tsk salt
Fylling
- 1 – 1½ dl cashewhnetur
- 1½ dl vatn
- Rúmlega 1 dl kókosolía
- 1 dl hunang
- ½ þroskað avokadó – má sleppa
- 1 tsk vanilluduft (fæst lífrænt í glerkrukkum)
- 2 döðlur
- Safi úr ½ sítrónu
- 3 dl af frystum hindberjum
Verklýsing
Botn
- Allt hráefnið maukað saman í matvinnsluvél og sett í 20 cm form
Fylling
- Cashewhnetur og vatn sett í skál og látið liggja í u.þ.b 1 klukkustund (vatni hellt af)
- Kókosolía og hunang hitað í litlum potti
- Allt hráefni nema frosnu hindberin sett í matvinnsuvél eða öflugan blandara – maukað saman
- Rúmlega helmingur settur ofan á botninn – sett í frysti
- Hindberjum bætt við afganginn í blandaranum – maukað saman
- Hinberjamaukið sett ofan á
- Sett í frysti og tekin út u.þ.b. 1 klukkustund áður en bjóða á upp á hana
Skreyting
Fallegt að skreyta með hindberjum eða kókosflögum.
Geymsla
Kakan geymist vel í frysti en ef geyma á hana í einhvern tíma þarf að setja plast yfir.