Fábæra frækexið hennar Gerðu - án hveitis
Uppruni
Uppskriftin kemur frá Gerðu en árlega slóst frækexið í för með göngukonum til fjalla – algjörlega ómissandi hluti af nestinu. Það er óhætt að segja að það sé einnig vinsælt á heimilinu – klárast um leið nema það sé falið. Sérstaklega hollt og gott kex sem auðvelt er að búa til.
Hráefni
- 40 g chia fræ
- 40 g sólblómafræ
- 40 g graskerafræ
- 40 g sesamfræ
- 200 ml vatn
- 1 tsk ítölsk hvítlauksblanda (t.d. frá Pottagöldrum)
- 1 msk ferskt saxað rósmarín – má sleppa
- sjávarsalt – eftir smekk
Verklýsing
- Ofninn hitaður í 150°C
- Allt hráefnið sett í skál og látið standa í u.þ.b. 10 mínútur. Deigið á að vera svolítið þykkt í sér
- Deiginu dreift á ofnplötu með smjörpappír (5 – 6 mm þykkt) – bakað í 30 mínútur
- Frækexið tekið úr ofninum og smjörpappír lagður yfir – snúið við (hinn smjörpappírinn tekinn af) og kexið skorið í bita
- Sett aftur í ofninn og bakað áfram í 30 mínútur
Á vel við
Hummus, rauðbeðumauk, osta eða bara eitt og sér.
Geymsla
Geymist vel
