Súrdeigsbrauð - hvítt
Uppruni
Þessi uppskrift kemur úr sænsku blaði – eins og svo margar aðrar.
Hráefni
- 1/2 lítri vatn
- 750 g hveiti
- 250 g súrdeigsgrunnur
- 25 g salt
Verklýsing
- Hveiti, vatni og súrdeigsgrunni blandað saman og hnoðað á meðalhraða í hrærivél í 10 mínútur. Salti bætt við og hnoðað áfram í 5 mínútur. Þegar deigið er hnoðað svona lengi verður það mjög teygjanlegt
- Deigið lagt í olíuborna skál með plastfilmu yfir og láitð standa í 4 tíma á heitum stað – þar sem ekki er trekkur
- Deigið sett á hveitistráða borðplötu og brotið saman í þrennt þannig að það verði í þremur lögum. Það er gert á eftirfarnidi hátt: Deigið er togað til beggja hliða þannig að það verði lengra á þverveginn (ferhyrningur). Gott að nota létt handtök og ýta lauslega með fingrunum hér og þar – þannig nær deigið að halda eiginleikum sínum og loftbólur myndast. Brotið er upp á annan endann (gott að nota brauðsköfu) þannig að 1/3 af deiginu stendur út af. Sá hluti er svo brotinn yfir – þannig verður deigið þrílaga (sjá myndir fyrir neðan). Athuga að einnig er hægt að búa til tvö minni brauð í staðinn fyrir eitt stórt
- Endanum lokað með því að ýta lauslega á og forma brauðið. Brauðið lagt á bökunarplötu (með bökunarpappír) og látið skurðendann snúa niður. Látið hefast í tæpar 2 klukkustundir með klútt yfir
- Ofninn hitaður í 250°C – þegar hálftími er eftir af hefingu
- Brauðið sett neðarlega í ofninn. Smá vatni skvett í botn ofnsins (þannig myndast skorpa á brauðinu). Stilla á 10 mínútur
- Lækka hitann í 175-200°C (háð því hversu dökkt brauðið á að vera)
- Bakað í 35-40 mínútur (ögn styttra ef brauðin eru tvö) – gott að láta brauðið kólna á grind