Gómsæt súkkulaðikaka - óbökuð
Uppruni
Hér á árum áður bauð ég oft upp á þessa köku og þá bæði í afmælum og sem eftirrétt. Uppskriftin er af gömlu íslensku uppskriftaspjaldi.
Forvinna
Þessi kaka þarf að standa í kæli í sólarhring. Hana má líka frysta.
Hráefni
Botn
- 2 msk hunang
- 75 g smjör
- 250 g hafrakex
Fylling
- ¾ dl sterkt kaffi
- 400 g suðusúkkulaði
- 3 msk appelsínulíkjör (Cointreau) /4 msk ferskur appelsínusafi
- ½ l rjómi
Skraut
- 1 msk kakó
- Ávextir
Verklýsing
Botn
- Kexið mulið. Smjör og hunang brætt – öllu blandað saman og þrýst ofan í lausbotna tertumót (24 cm þvermál). Sett í kæli
Fylling
- Súkkulaði brætt í vatnsbaði (skál sett yfir pott með heitu vatni). Heitu kaffi hellt út í og blandað vel saman á vægum hita
- Appelsínusafa/appelsínulíkjör (Cointreau) bætt saman við – Skálin tekin af pottinum og kæld í u.þ.b. 5 mínútur
- Rjómi þeyttur og honum blandað varlega saman við súkkulaðið í áföngum. Fyrst einum þriðja og síðan afganginum – hrært í þar til blandan verður jöfn.
- Blöndunni hellt í tertumótið og það sett í kæli í sólarhring
Skreyting
- Kakan tekin úr forminu og sett á kökudisk. Kakói sigtað yfir kökuna og skreytt með berjum
Meðlæti
Borið fram með þeyttum rjóma.
