BBQ sósa - auðveld
Uppruni
Uppskriftina fann ég í sænsku blaði. Heba dóttir mín heldur mikið upp á BBQ sósur og fannst mér upplagt að geta búið til eigin sósu og vita um leið hvað í henni er.
Forvinna
Búa til sósuna og stinga henni inn í ísskáp.
Hráefni
- 1 gulur laukur – fínsaxaður
- 2 hvítlauksrif – fínsöxuð
- 1 chili – fræhreinsað og fínsaxað
- 2 lárviðarlauf
- 2 tsk cummin
- 1 msk paprikuduft
- 2 msk olía
- 1 dl tómatpúrra
- 1 dl eplacider
- 2 dl dökkur muscovadosykur (fæst t.d. í Fjarðarkaupum)
- 1 msk HP-sósa
- 1 tsk salt
Verklýsing
- Laukur, hvítlaukur, chili og lárviðarlauf sett í pott og steikt í olíunni á lágum hita – ekki láta laukinn verða dökkan heldur meira glæran
- Afgangi af hráefnunum bætt við og látið sjóða á vægum hita í 20 mínútur – hrært í öðru hvoru
- Látið kólna, lárviðarlauf tekin upp úr og sósunni hellt í flösku eða krukku með loki. Hægt að mixa sósuna í matvinnsluvél til að hafa hana sléttari
- Geymt í kæli
Á vel við
Gott með allskyns kjöti og grillmat, t.d. rifjum eða hamborgurum.
