Perlubygg sem passar með nánast öllu
Uppruni
Hér kemur uppskrift að meðlæti sem passar súper vel með kjöti, fiski eða grænmetisréttum. 100% hægt að mæla með þessari góðu uppskrift.
ATH. Varðandi kryddjurtirnar þá getur hver og einn sett blöndu af því sem er til eða það sem er mest í uppáhaldi. Einnig má líka nota þurrkað en þá er sett minna magn af því. T.d. er hægt að nota bara steinselju og svo 1 – 2 msk af þurrkuðum kryddjurtum með.
Forvinna
Perlubyggið má sjóða daginn áður.
Hráefni
- 2 dl íslenskt perlubygg – (2 dl perlubygg + 5 dl vatn)
- 2 litlir gulir laukar – skornir í þunnar sneiðar
- 1 msk smjör
- ½ tsk cumin
- 50 g pistasíuhnetur
- 2 vorlaukar – skornir í þunnar sneiðar
- ¼ – ½ af rauðum eða grænum chillipipar – skorinn smátt
- 30 – 35 g klettasalat
- Salt og pipar
Dressing
- 30 g af ferskum kryddjurtum eins og steinselja, basil, kóriander og/eða mynta – saxað smátt
- ½ – ¾ dl olía
Verklýsing
- Perlubygg sett í pott ásamt vatni – hitað að suðu og látið sjóða á meðalhita í 20 – 25 mínútur (eftir suðu þarf stundum að hella aðeins af vatninu sem verður eftir)
- Laukur steiktur í smjöri á vægum hita þar til hann verður fallega gulur – cumin bætt við og skerpt á hitanum í stutta stund
- Öllum hráefnunum blandað saman í skál
- Dressing: Olíu og söxuðu kryddjurtunum blandað saman og hellt yfir salatið. Saltað og piprað
Geymsla: Geymist ágætlega í 1 – 2 daga í kæli.
