Pikklað rauðkál - einfalt og gott
Uppruni
Þegar grilltímabilið hefst fyrir alvöru finnst mér gott að geta gengið að pikkluðu rauðkáli í kælinum. Það passar mjög vel með ýmsum grillmat og er meinholt. Skemmtileg tilbreyting t.d. á hamborgarann eða pylsurnar. Bónusinn er að hér er um að ræða góða geymsluaðferð þar sem rauðkálið helst lengur ferskt og gott. Mæli með að luma á pikkluðu rauðkáli í kælinum og bjóða upp á með sumargrillinu.
Hráefni
- 400 g rauðkál – hreinsa ytra byrðið og skera í þunnar sneiðar
- 1 vorlaukur – efri parturinn (græni) – skorinn í þunnar sneiðar
- ½ tsk salt
- 2 msk safi úr lime / límónu (u.þ.b. 1 lime)
- ½ msk hunang
Verklýsing
- Rauðkálssneiðarnar settar í stórt ílát. Salti stráð yfir og kálið kreist með höndunum
- Vorlaukssneiðum, limesafa og hunangi bætt við – látið standa í u.þ.b. 10 mínútur
- Geymist vel í lokuðu íláti í kæli
