Létt og góð rabarbaraostakaka
Uppruni
Það má segja að sumarið sé tíminn fyrir þessa köku. Létt og góð kaka sem upplagt er að skella í þegar uppskerutími rabarbarans er í hæstu hæðum.
Forvinna
Þessa köku má búa til daginn áður – er eiginlega betri þegar hún fær að jafna sig yfir nótt í kæli.
Hráefni
Botn
- 300 g digestive kex
- 100 g smjör
Fylling
- 2 blöð matarlím
- 400 g rabarbari
- ¾ dl sykur
- 2 tsk vatn
- 500 g rjómaostur
- 1½ dl flórsykur
- 1 tsk vanillusykur
- 1 tsk lífrænn sítrónubörkur – rifinn fínt
- 1½ dl rjómi
Toppur
- 1½ dl hveiti
- ½ dl sykur
- 3 msk smjör – u.þ.b. 40 g
Verklýsing
Botn
- Bökunarpappír settur í botninn á 22 cm smelluformi
- Kexið mulið í matvinnsluvél eða morteli. Smjör brætt og blandað saman við kexmulninginn – sett í botninn á forminu og þrýst á
Toppur
- Ofninn stilltur á 175°C
- Hveiti, sykur, og smjör mulið saman. Deiginu dreift yfir bökunarplötu með bökunarpappír í botninum. Bakað í ofninum í 15 – 20 mínútur
Fylling
- Matarlímið sett í kalt vatn í u.þ.b. 5 mínútur
- Rabarbarinn skorinn í 3 cm bita. Sett í pott ásamt sykri og vatni. Hitað og látið sjóða í 7 mínútur án þess að hræra í. Látið kólna
- Rjómaostur, flórsykur, vanillusykur og sítrónubörkur hrært saman
- Rabarbarabitarnir teknir varlega upp úr pottinum. Lögurinn (vökvinn sem eftir er í pottinum) hitaður varlega og matarlímið látið bráðna ofan í – hrært stöðugt
- Látið aðeins kólna og blandað saman við rjómaostablönduna ásamt rabarbarabitunum
- Rjómi þeyttur og blandað varlega saman við – blöndunni dreift yfir kexmulninginn
- Toppblöndunni dreift yfir í lokin
- Plastfilma sett yfir og látið standa í 5 – 6 klukkutíma í kæli (eða yfir nótt)
- Tekið úr forminu og sett á kökudisk
Geymsla: Geymist ágætlega í kæli
