Skemmtilegt og einfalt meðlæti
Uppruni
Ef þú hefur áhuga á að krydda líf þitt á einfaldan hátt er hér ein leið. Þessi uppskrift er sniðug ef þú átt jalapeno (helst íslenskan) og vilt lengja líftíma hans. Þá er þetta ein geymsluaðferð og þú nýtur hans lengur.
Hráefni
- 2 jalapeno – skorinn í þunnar sneiðar
- ¼ dl hvítvínsedik
- ¼ dl vatn
- 1 hvítlauksrif – saxað smátt eða pressað
- 2 tsk sykur
- 1 tsk salt
Verklýsing
- Jalapenosneiðarnar settar í krukku/skál – magn af fræjum, sem fá að fylgja með, er smekksatriði (ef meira þá sterkara)
- Vatn, sykur, hvítvínsedik, hvítlaukur og salt sett í pott – látið ná suðu. Hellt ofan í krukku/skál með loki
- Látið standa í a.m.k. 8 mínútur
Gott með: t.d. hamborgaranum, pizzunni, fahitas, tortillum, á samlokuna, kjúllann eða bara þegar mann langar að gefa matnum sterkara bragð
Geymsla: Geymist ágætlega í lokuðu íláti í kæli
